Thu. Mar 28th, 2024

അശ്ലീല പരാമര്‍ശം നടത്തിയ യൂ ട്യൂബറെ ആക്രമിച്ച കേസ് : പ്രതികളായ ഭാഗ്യലക്ഷ്മിയും സുഹൃത്തുക്കളും കോടതിയില്‍ ഹാജരായില്ല

By admin Dec 22, 2021 #news
Keralanewz.com

തിരുവനന്തപുരം : യു ടൂബില്‍ സ്ത്രീകളെ അപമാനിച്ച്‌ വീഡിയോ പോസ്റ്റ് ചെയ്തയാളെ മര്‍ദ്ദിച്ച കേസില്‍ പ്രതികളായ ഡബ്ബിംഗ് ആര്‍ട്ടിസ്റ് ഭാഗ്യലക്ഷ്മി, ദിയ സന, ശ്രീലക്ഷ്മി അറയ്ക്കല്‍ എന്നിവര്‍ കോടതിയില്‍ ഹാജരായില്ല.

പ്രതികളുടെ അഭിഭാഷകരും കോടതിയില്‍ ഹാജരായില്ല. വിചാരണ നടപടിക്കായി പ്രതികള്‍ ഇന്ന് ഹാജരാകാന്‍ തിരുവനന്തപുരം സി.ജെ.എം കോടതി നിര്‍ദേശിച്ചിരുന്നു. ഇതോടെ കേസ് മാര്‍ച്ച്‌ മൂന്നിന് പരിഗണിക്കാനായി മാറ്റിവെച്ചു.

കേരളഓണ്‍ലൈന്‍ ന്യൂസ് യൂട്യൂബ് ചാനല്‍ സബ്‌സ്‌ക്രൈബ് ചെയ്യാം

2020 സെപ്റ്റംബര്‍ 26ന് വൈകിട്ടാണ് യൂ ട്യൂബര്‍ വിജയ് പി നായരെ ഭാഗ്യലക്ഷ്മി, ദിയ സന, ശ്രീലക്ഷ്മി അറയ്ക്കല്‍ എന്നിവര്‍ മര്‍ദ്ദിച്ചത്. അശ്ലീല വീഡിയോ കേസില്‍ പൊലീസില്‍ പരാതി നല്‍കിയെങ്കിലും നടപടി ഉണ്ടാകാത്തതിനെ തുടര്‍ന്നാണ് ഇത്തരത്തില്‍ പെരുമാറിയതെന്ന് ഭാഗ്യലക്ഷ്മിയും കൂട്ടരും പറഞ്ഞിരുന്നു

ലോഡ്ജില്‍ അതിക്രമിച്ചു കടന്നു വിജയ് പി.നായരെ മര്‍ദിച്ചശേഷം മഷി ഒഴിച്ചെന്നാണ് കുറ്റപത്രം. ലാപ്ടോപും മൊബൈലും മോഷ്ടിച്ചെന്നു പരാതിയിലുണ്ടായിരുന്നെങ്കിലും മോഷണ കുറ്റം ചുമത്തിയിരുന്നില്ല. സംഭവത്തില്‍ തമ്ബാനൂര്‍ പൊലീസാണ് കേസ് റജിസ്റ്റര്‍ ചെയ്തത്. ഭാഗ്യലക്ഷ്മിയുടെയടക്കമുള്ളവരുടെ പരാതിയില്‍ വിജയ് പി.നായരെ നേരത്തെ അറസ്റ്റു ചെയ്തിരുന്നു

Facebook Comments Box

By admin

Related Post