കങ്ങഴ: ചൂരക്കുന്നില്‍ വന്‍ തീപിടിത്തം. പത്തേക്കറോളം സ്ഥലം കത്തിനശിച്ചു.
വെള്ളിയാഴ്ച രാത്രി 9.30നാണ് ആദ്യം തീപിടിത്തമുണ്ടായത്.
വായ്പൂര്‍ സ്വദേശി തൊണ്ടിയാര്‍വലില്‍ ഇസ്മായില്‍കുട്ടി റാവുത്തര്‍, പത്തനാട് മണിയംകുളത്ത് അബു എന്നിവരുടെ ഉടമസ്ഥതയിലുള്ള സ്ഥലത്താണ് ആദ്യം തീപിടിത്തമുണ്ടായത്. തുടര്‍ന്ന്, സമീപത്തെ പറമ്ബുകളിലേക്കു തീ പടരുകയായിരുന്നു.
വര്‍ഷങ്ങളായി കാടുകയറിക്കിടന്നതാണ് കുന്ന്. ഇത് പൂര്‍ണമായി കത്തിനശിച്ചു. വിവരമറിഞ്ഞ് പാമ്ബാടിയില്‍ നിന്നും ഫയര്‍ഫോഴ്സ് എത്തി രാത്രി 12-നാണ് തീ നിയന്ത്രണ വിധേയമാക്കിയത്.
നാട്ടുകാരും ജനപ്രതിനിധികളും ചേര്‍ന്ന് സമീപത്തെ കൃഷിയിടങ്ങളിലേക്ക് വ്യാപിക്കാതെ തീ നിയന്ത്രിച്ചതിനാല്‍ വലിയ നഷ്ടമാണ് ഒഴിവാക്കാനായത്.