തിരുവനന്തപുരം നെയ്യാറ്റിന്‍കരയില്‍ വിഎച്ച്പി റാലിയില്‍ പെണ്‍കുട്ടികള്‍ വാളുകളേന്തി പ്രകടനം നടത്തിയ സംഭവത്തില്‍ പൊലീസ് നടപടി. സംഭവത്തിൽ ആര്യങ്കോട് പൊലീസാണ്സ്വമേധയാ കേസെടുത്തത്. ആയുധ നിയമപ്രകാരമാണ് കേസ്. സാമൂഹിക മാധ്യമങ്ങളില്‍ പ്രചരിച്ച ദൃശ്യങ്ങളുടെ അടിസ്ഥാനത്തിലാണ് പൊലീസ് കേസ് എടുത്തത്. സമുദായങ്ങള്‍ക്കിടയില്‍ മതസ്പര്‍ധയ്ക്ക് ശ്രമിച്ചെന്ന കേസും സംഘാടകര്‍ക്കെതിരെ എടുത്തു
ആര്യങ്കോടിനടുത്തുള്ള മാരാരിമുട്ടത്ത് വിഎച്ച്പി പഠന ശിബിരത്തിന്റെ ഭാഗമായാണ് വാളുകളുമായി പ്രവര്‍ത്തകര്‍ റാലി നടത്തിയത്. പഠനശിബിരത്തിന്റെ ഭാഗമായി പദ സഞ്ചലനത്തിന് മാത്രമാണ് പൊലീസ് അനുമതി ലഭിച്ചിരുന്നത്. എന്നാല്‍ പെണ്‍കുട്ടികളടക്കം ചേര്‍ന്ന് വാളുമേന്തി ‘ദുര്‍ഗാവാഹിനി’ റാലി നടത്തുകയായിരുന്നു. ഇതിനെതിരെ എസ്ഡിപിഐ അടക്കമുള്ള സംഘടനകള്‍ പൊലീസില്‍ പരാതി നല്‍കുകയും ചെയ്തിരുന്നു. വീഡിയോ ദൃശ്യങ്ങള്‍ അടക്കം പരിശോധിച്ച ശേഷമാണ്പോലീസ് കേസെടുത്തത്