എല്ലാവരോടും നന്ദി; ഫാ. ടോം ഉഴുന്നാലിന് പാല രൂപത ആസ്ഥാനത്ത് സ്വീകരണം

കോട്ടയം: ഭീകരരുടെ തടവില്‍ നിന്ന് മോചിതനായ ഫാ. ടോം ഉഴുന്നാലില്‍ പാല രൂപതാ ആസ്ഥാനത്ത് എത്തി. ഉച്ചകഴിഞ്ഞ് മൂന്നരയോടെ എത്തിയ ഫാ. ടോമിനെ പാല രൂപ സഹായ മെത്രാനും ജനപ്രതിനിധികളും രാഷ്ട്രീയ പാര്‍ട്ടികളും ചേര്‍ന്ന് സ്വീകരിച്ചു. തുടര്‍ന്ന് കൃതജ്ഞതാ സമ്മേളനം നടന്നു. പാല രൂപതാ മെത്രാന്‍ മാര്‍ ജോസഫ് കല്ലറങ്ങാട്ട് വിദേശത്താണ്. അദ്ദേഹത്തിന്റെ സന്ദേശം കൃതജ്ഞതാ സമ്മേളനത്തില്‍ വായിച്ചു.
തനിക്ക് വേണ്ടി പ്രാര്‍ത്ഥിച്ച എല്ലാവരോടും നന്ദിയുണ്ടെന്ന് ടോം ഉഴുന്നാലില്‍ പറഞ്ഞു. താന്‍ തടവില്‍ നിന്ന് മോചിപ്പിക്കപ്പെടാന്‍ എല്ലാവരും പ്രാര്‍ത്ഥിച്ചിരുന്നു. ചില ക്ഷേത്രങ്ങളില്‍ തനിക്കായി പൂജകള്‍ നടന്നുവെന്ന് ബന്ധുക്കള്‍ പറഞ്ഞ് അറിഞ്ഞിരുന്നു. അതുപോലെ മുസ്ലീം സഹോരദങ്ങളും തനിക്ക് വേണ്ടി പ്രാര്‍ത്ഥിച്ചു. തന്റെ നന്ദി പ്രകടിപ്പിക്കാന്‍ വാക്കുകള്‍ മതിയാകില്ലെന്നും ടോം ഉഴുന്നാലില്‍ പറഞ്ഞു.
കൃതജ്ഞതാ സമ്മേളനത്തിന് ശേഷം രാമപുരത്തേക്ക് പോകുന്ന ഫാ. ടോം ഉഴുന്നാലിന് അദ്ദേഹത്തിന്റെ ഇടവകയുടെ വക സ്വീകരണം ഒരുക്കിയിട്ടുണ്ട്. പൊതുസമ്മേളനത്തിന് ശേഷം വൈകിട്ട് എട്ടോടെ ഫാ. ടോം കുടുംബവീട്ടിലേക്ക് പോകും. രാവിലെ കൊച്ചിയില്‍ എത്തിയ ഫാ. ടോമിന് വരാപ്പുഴ അതിരൂപതാ ആസ്ഥാനത്തും സ്വീകരണം നല്‍കിയിരുന്നു. ബംഗളുരുവില്‍ നിന്നുമാണ് അദ്ദേഹം കൊച്ചിയില്‍ എത്തിയത്.

Facebook Comments

 

Did you enjoy the blog?
Like me!

Get the latest.

Leave a Reply

Your email address will not be published.

This site uses Akismet to reduce spam. Learn how your comment data is processed.

Shares