കാര്‍ വട്ടമിട്ട് കെ.എസ്.ആര്‍.ടി.സി ബസ്സ് തടഞ്ഞ്‌ ഡ്രൈവറെ തല്ലി; യുവതി അറസ്റ്റില്‍

Please follow and like us:
190k

അമ്ബലപ്പുഴ: ഓടിക്കൊണ്ടിരുന്ന കെ.എസ്.ആര്‍.ടി.സി. ബസ്സിന് മുമ്ബില്‍ കാര്‍ വട്ടമിട്ടുതടഞ്ഞ് യുവതി ഡ്രൈവറെ തല്ലി. സംഭവത്തില്‍, കാറില്‍ യാത്രചെയ്ത കോഴിക്കോട് പേരാമ്ബ്ര കാറിലക്കണ്ടി അരുണിമ (26)യെ നാട്ടുകാര്‍ തടഞ്ഞ് പോലീസിന് കൈമാറി. ഡ്രൈവറുടെ പരാതിയില്‍ യുവതിയെ പോലീസ് അറസ്റ്റു ചെയ്തു. കരുനാഗപ്പള്ളി ഡിപ്പോയിലെ ഡ്രൈവര്‍ കൊല്ലം കുന്നത്തൂര്‍ പടിഞ്ഞാറേകല്ലട അയിത്തോട് ശ്രീകുമാറിനാ(47)ണ് മര്‍ദനമേറ്റത്. അരുണിമ ഗായികയാണെന്ന് പോലീസ് പറഞ്ഞു.

ദേശീയപാതയില്‍ അമ്ബലപ്പുഴയ്ക്കടുത്ത് പുറക്കാട് ജങ്ഷനില്‍ ബുധനാഴ്ച ഉച്ചയ്ക്ക് പന്ത്രണ്ടരയോടെയാണ് സംഭവം. തിരുവനന്തപുരത്തേയ്ക്ക് പോവുകയായിരുന്നു ബസ്. കാറും അതേ ദിശയിലാണ് സഞ്ചരിച്ചത്. ഓട്ടത്തിനിടെ പലവട്ടം ബസ് കാറിനെ മറികടന്നു. ഇതാണ് കാര്‍ യാത്രക്കാരിയായ യുവതിയെ ചൊടിപ്പിച്ചത്. കാര്‍ ബസ്സിന് വട്ടമിട്ടശേഷം ചാടിയിറങ്ങിയ ഇവര്‍ ബസ്സിന്റെ കാബിനില്‍ കയറി ഡ്രൈവറെ മര്‍ദിക്കുകയായിരുന്നു. യുവതി നെഞ്ചിലും കാലിലും അടിച്ചതായി ബസ് ഡ്രൈവര്‍ പോലീസില്‍ പരാതി നല്‍കി. ഇദ്ദേഹം അമ്ബലപ്പുഴയിലെ നഗര ആരോഗ്യ പരിശീലനകേന്ദ്രത്തില്‍ ചികിത്സ തേടുകയും ചെയ്തു.

കരുനാഗപ്പളളിയില്‍ പരിപാടിയില്‍ പങ്കെടുക്കാന്‍ പോവുകയായിരുന്നു എന്നാണ് അരുണിമ പോലീസിനോട് പറഞ്ഞത്. ഭര്‍ത്താവും കുഞ്ഞും കാറില്‍ ഒപ്പമുണ്ടായിരുന്നു. ബസ് മറികടക്കുന്നതിനിടെ ഇടിക്കാതിരിക്കാന്‍ ബ്രേക്ക് ചെയ്തപ്പോള്‍ കുഞ്ഞ് കാറിനുള്ളില്‍ വീണതായി അരുണിമ പറഞ്ഞുവെന്ന് നാട്ടുകാര്‍ അറിയിച്ചു.

Facebook Comments
Please follow and like us:
190k

 

Did you enjoy the blog?
Like me!

Get the latest.

28total visits,1visits today

Leave a Reply

Your email address will not be published.

This site uses Akismet to reduce spam. Learn how your comment data is processed.

Enjoy this news portal? Please spread the word :)