സംസ്ഥാനത്തെ സര്ക്കാര് മെഡിക്കല് കോളേജുകളിലെ 7 വിദ്യാര്ത്ഥികള്ക്ക് അഖിലേന്ത്യാ മെഡിക്കല് സയന്സ് പരീക്ഷയില് സ്വര്ണ മെഡല്.
നാഷണല് ബോര്ഡ് ഓഫ് എക്സാമിനേഷന് നടത്തിയ ഡി.എന്.ബി. (ഡിപ്ലോമേറ്റ് ഓഫ് നാഷണല് ബോര്ഡ്) 2023ലെ പരീക്ഷയിലാണ് വിവിധ സൂപ്പര് സ്പെഷ്യാലിറ്റി വിഭാഗങ്ങളിലായി ഒന്നാം സ്ഥാനം കരസ്ഥമാക്കിയിരിക്കുന്നത്.
ഈ പരീക്ഷയില് പങ്കെടുത്തത്, ദേശീയ തലത്തില് പ്രമുഖ സ്ഥാപനങ്ങളുള്പ്പെടെ എല്ലാ സര്ക്കാര്, സ്വകാര്യ മെഡിക്കല് കോളേജുകളില് നിന്നും വിവിധ സൂപ്പര് സ്പെഷ്യാലിറ്റി വിഭാഗങ്ങളില് ബിരുദം നേടിയവരാണ്. അതിലാണ് കേരളത്തിലെ സര്ക്കാര് മെഡിക്കല് കോളേജുകള് രാജ്യത്തെ മികച്ച നേട്ടം കൈവരിച്ചത്.
കേരളത്തിലെ സര്ക്കാര് മെഡിക്കല് കോളേജുകള് അധ്യാപനത്തിലും മികവിന്റെ കേന്ദ്രങ്ങളാണെന്നതിന്റെ സാക്ഷ്യം കൂടിയാണിത്. ആരോഗ്യ വകുപ്പ് മന്ത്രി വീണാ ജോര്ജ്, സ്വര്ണ മെഡല് നേടിയ എല്ലാ വിദ്യാര്ത്ഥികളേയും അഭിനന്ദിച്ചു. ഡല്ഹിയിലെ വിജ്ഞാന് ഭവനില്, മേയ് 10ന് നടക്കുന്ന കോണ്വക്കേഷനില് രാഷ്ട്രപതി സ്വര്ണ മെഡലുകള് സമ്മാനിക്കും.