ഞാന്‍ എന്റെ ബാറ്റിങ് ആസ്വദിക്കുന്നുണ്ട്; രോഹിത് ശര്‍മ്മ

മുംബൈ: ഐപിഎല്ലില്‍ മുംബൈ ഇന്ത്യന്‍സ് ക്യാപ്റ്റന്‍ രോഹിത് ശര്‍മയ്ക്ക് ഇപ്പോഴും ഫോമിലേക്ക് ഉയരാന്‍ സാധിച്ചിട്ടില്ല. 14, 48. 32 എന്നിങ്ങനെയായിരുന്നു രോഹിത്തിന്റെ ഈ സീസണിലെ സ്‌കോര്‍. ഇന്ന് ചെന്നൈ സൂപ്പര്‍ കിങ്‌സിനെ നേരിടാന്‍ ഒരുങ്ങുമ്ബോഴും ക്യാപ്റ്റന്റെ ഫോമിന്റെ കാര്യത്തില്‍ ആരാധകര്‍ക്ക് ആശങ്കയുണ്ട്.

എന്നാല്‍ ആശങ്കപ്പെടേണ്ടതില്ലെന്ന് രോഹിത് ശര്‍മ പറഞ്ഞു. മുംബൈ ഇന്ത്യന്‍സിന്റെ ഔദ്യോഗിക ട്വിറ്റര്‍ അക്കൗണ്ട് വഴിയാണ് താരംഇക്കാര്യം വ്യക്തമാക്കിയത്. ക്യാപ്റ്റന്‍ പറഞ്ഞതിങ്ങനെ. ഞാന്‍ എന്റെ ബാറ്റിങ് ആസ്വദിക്കുന്നുണ്ട്. ശരിയാണ് എനിക്ക് ഇതുവരെ വലിയ സ്‌കോറുകള്‍ നേടാന്‍ കഴിഞ്ഞിട്ടില്ല. എന്നാല്‍ നന്നായിട്ട് പന്ത് മിഡില്‍ ചെയ്യുന്നുണ്ട്. ടീം ഒന്നടങ്കം കഴിവിന്റെ മുഴുവന്‍ പുറത്തെടുത്താന്‍ ഇന്നത്തെ മത്സരം വിജയിക്കാന്‍ സാധിക്കും. രോഹിത് ട്വീറ്റ് ചെയ്തു.

Facebook Comments

 

Did you enjoy the blog?
Like me!

Get the latest.

Shares