തിരുവനന്തപുരം; കേരള കോൺഗ്രസ് (എം)നെ മാറ്റി നിർത്തി ഒരു മുന്നണിയ്ക്കും മുന്നോട്ട് പോകാനാകില്ലെന്ന് ഒരിക്കൽ കൂടി തെളിഞ്ഞതായി കേരള കോൺഗ്രസ് (എം) ജില്ലാ പ്രസിഡന്റ് സഹായദാസ് നാടർ അറിയിച്ചു. വർഷങ്ങളായി യുഡിഎഫിന്റെ കൈവശമിരുന്നസംസ്ഥാന കാര്ഷിക വികസന ബാങ്കിന്റെ ഭരണം യു.ഡി.എഫിന് നഷ്ടമായത് അതിനുള്ള തെളിവ് കൂടിയാണ്. ഭരണം നഷ്ടമായതോടെ ചെയർമാൻ സോളമൻ അലക്സ് ചെയർമാൻ സ്ഥാനവും കോൺഗ്രസ് അംഗത്വവും രാജിവെക്കേണ്ടിയും വന്നതോടെ ജില്ലയിൽ യുഡിഎഫിനുള്ള പ്രസക്തി തന്നെ നഷ്ടമായെന്നും സഹായദാസ് നാടർ പറഞ്ഞു.
സംസ്ഥാന കാര്ഷിക വികസന ബാങ്കിന്റെ പൊതുയോഗത്തില് കേരളാ കോണ്ഗ്രസ്സ് (എം) ന്റെ 6 വോട്ടുകളാണ് നിര്ണ്ണായകമായത്. കേരള കോൺഗ്രസ് (എം) പ്രതിനിധികൾ ജനാധിപത്യമൂല്യങ്ങൾ മുറുകെ പിടിച്ച് എൽഡിഎഫ് ഭരണത്തിനുള്ള വഴി ഒരുക്കിക്കൊടുക്കാനായത് നിർണ്ണായകമാണെന്നും അദ്ദേഹം വ്യക്തമാക്കി