News Updates :

പാക്കിസ്‌ഥാൻ 437 തവണ വെടിനിർത്തൽ കരാർ ലംഘിച്ചെന്ന് കേന്ദ്രസർക്കാർ .

ന്യൂഡൽഹി: അതിർത്തിയിൽ പാക്കിസ്‌ഥാൻ ഈ നവംബർ വരെയുള്ള കാലയളവിൽ 437 തവണ വെടിനിർത്തൽ കരാർ ലംഘിച്ചെന്ന് കേന്ദ്രസർക്കാർ. പാക് വെടിവയ്പ്പിൽ 37 പേർക്ക് ജീവൻ നഷ്ടമാവുകയും 179 പേർക്ക് പരുക്കേൽക്കുകയും ചെയ്തുവെന്നും കേന്ദ്ര ആഭ്യന്തര സഹമന്ത്രി ഹൻസ്രാജ് ഗംഗാറാം അഹിർ ലോക്സഭയിൽ അറിയിച്ചു.

അതിർത്തിയിൽ പാക്കിസ്‌ഥാൻ നിരന്തരം വെടിനിർത്തൽ ലംഘനം നടത്തുന്നതിനാൽ ഇവിടങ്ങളിൽ താമസിക്കുന്ന 27,500 ഓളം പേരെ സുരക്ഷിത സ്‌ഥാനത്തേക്ക് മാറ്റി. ഇതിൽ ആറായിരത്തോളം പേർ ദുരിതാശ്വാസ ക്യാമ്പുകളിലും മറ്റുള്ളവർ ബന്ധുക്കളുടെ വീടുകളിലുമാണ് കഴിഞ്ഞിരുന്നത്. ഇപ്പോൾ ബഹുഭൂരിപക്ഷം പേരും വീടുകളിലേക്ക് മടങ്ങിയെന്നും 700 പേർ മാത്രമാണ് ക്യാമ്പുകളിൽ കഴിയുന്നതെന്നും അദ്ദേഹം അറിയിച്ചു.

Facebook Comments

 

Leave a Reply

Your email address will not be published. Required fields are marked *